top of page

TE MATATINI - KAPA HAKA AOTEAROA

SIR SELWYN PARATA


MONDAY 5th JUNE, 2023


Me whakanui e Te Matatini Te Tohu Tā o te Rauhuia, he uri nā Māui Tikitiki a Tauranga.

He honore nui wōku, ka tū hei reo rākai kupu maioha tiketike mai i te tāhūhū ki te aina o tō tātou whare. Kua kitea, kua rongohia ngā hua o te nāia waihoki, o te inanahi ki te āpōpō.

E tika ana me nao ake i a ngutu huia nei, i tōna takapau wharanui otirā, i tōna tātai ariki hei huarahi tuku mihi mō te huhua o wāna hōmaitanga ā koanga, ā raumati noa mō Te Ao Māori.

Ka whakanuia atu nei wōna tauraherenga waka mai i Te Waka a Māui ki Te Ika a Māui tae atu ki te tapu o Māui kei a Hikurangi o Te Tairāwhiti. E whakanuia tahitia ana tēnei tohu o te Kīngi o Ingarangi, arā, ko te tohu o Te Kōtuku e mātou me Te Whānau Parata.

He tohu tākaikai ki te mana o tēnei whatukura nā Paikea rāua ko Hikurangi arā, ko Tā Selwyn Tānetoa Parata.

Na Carl Ross, Te Manahautu o Te Matatini.

6 views

Comments


bottom of page